Njeriu i ndeshjes në fitoren e Luftëtarit ndaj Skënderbeut ishte Kristal Abazaj. Dy golat e sulmuesit të Luftëtarit mjaftojnë për të thyer kryesuesit e Superiores. Ajo që ka rënë në sy gjatë ndeshjes, ishte fakti se futbollisti nuk ka festuar asnjë prej golave. Në një intervistë për “Supersport”, Abazaj ka shprehur ndjesitë e tij për këtë takim.
“Nuk është se nuk e ndjeva golin për të mos e festuar, por thjeshtë ashtu e mendova për momentin. Nuk dëshiroja të festoja. Pas lojës që zhvilluam treguam se jemi skuadër kompakte dhe i kemi cilësitë. Pas afrimeve treguam se rastet mund t’i konkretizojmë dhe duhet vetëm të ecim përpara. Nuk besoj se Skënderbeut do i prish punë kjo ndeshje, pasi ata janë një ekip kampion. Gjithsesi nuk do ndihem keq, pasi tashmë jam pjesë e Lufëtarit.
Nëse Lufëtatari do të kalonte në Europë dhe do të arrihej marrëveshja, që unë të vazhdoja edhe në Kupën e Europës me këtë ekip, atëherë do të pranoja”, është shprehur Kristal Abazaj.
