Falsifikuan dokumente, dy punonjës të Njësisë Administrative në Lukovë procedohen penalisht

Specialistët për Hetimin e Krimit Ekonomik e Financiar në DVP Vlorë proceduan penalisht për veprat penale “Shpërdorimi i detyrës” dhe “Falsifikimi i dokumenteve”, shtetasit: K. P., banues në Lukovë, D. L., banues në Sarandë dhe A. B., banues në Borsh, pasi shtetasi P. P., banues në Vlorë, ka bërë kallëzim se këta shtetas kanë shpërdoruar detyrën si funksionarë në Njësinë Administrative Lukovë, duke falsifikuar disa dokumente. Materialet i kaluan Prokurorisë, për veprime të mëtejshme.