Ashtu si Kukësi dhe Shkëndija e Tetovës, edhe Luftëtari ka zgjedhur Slloveninë si destinacion për të kryer fazën përgatitore, para ndeshjeve të Ligës së Europës. Kundërshtari i gjirokastriteve në turin e parë, është skuadra e Ventspilsit, ndërkohë që në kuadër të këtij takimi, ekipi i drejtuar nga Millosh Kostiç do të luajë 4 ndeshje miqësore.
Kundërshtari i parë i Luftëtarit do të jetë Rabotniçki nga Maqedonia dhe ky takim do të luhet në datën 27 qershor. 3 ditë më vonë, Luftëtari do të luajë ndaj Aluminjit, ndërkohë që në korrik, janë planifikuar ndeshje me Voluntarin dhe Krskosin.
