Në këto ditë izolimi për shkak të pandemisë globale Covid-19, dyqanet “sex-shop” në Shqipëri kanë dyfishuar shitjet e produkteve të tyre përmes blerjeve online.
Për të kuptuar diçka më shumë rreth kësaj, TVT ka biseduar me Valer Pinderin, administratorin e një sex shop-i online, i cili është i pari dyqan që u hap në vendin tonë.
Pinderi thekson se përgjatë këtyre javëve të izolimit tregu i produkteve seksuale në vendin tonë ka pësuar një rritje të jashtëzakonshme, gati të pabesueshme edhe për administratorët e dyqanit.
Ai tha se në javën e parë të izolimit, pothuajse të gjitha shitjet u zeruan, siç duket nga shoku dhe paqartësia që shoqëroi ato ditë vendin.
Më pas, sipas tij, kërkesat e ndryshme për produkte e tyre filluan të kenë një rritje progresive të vazhdueshme, duke arritur deri tek dyfishimi i shitjeve krahasuar me periudhën para izolimit.
Ai tha se femrat shfaqen më të interesuara kryesisht për lodrat e seksit, ndërsa meshkujt që kapin një shifër diku tek 40 përqindshi janë të interesuar më shumë për stimulues.
Pinderi tregoi se administron 5 portale shitjesh online dhe ka hapur që nga themelimi edhe 5 të tjera, ndërsa tregoi se produktet e seksit janë idealet për t’u shitur online.
