Cristiano Ronaldo ka surprizuar shokët e tij të ekipit kombëtar të Portugalisë me një dhuratë luksoze pas fitores së tyre në Ligën e Kombeve ndaj Spanjës, fituar me penallti në finale.
Ylli portugez, i cili luan për Al-Nasr, ka porositur ekskluzivisht 35 orë koleksionuese nga kompania prestigjioze e orëve Jacob & Co, për t’ua dhuruar futbollistëve dhe stafit teknik. Çdo orë ka stemën portugeze në qendër, trofeun e Ligës së Kombeve në anën e djathtë dhe mbishkrimin “Kampionët 2025” në të majtë.
Orët janë gjithashtu të personalizuara: secila ka numrin e vet dhe emrin e secilit nga 27 futbollistët që trajneri Roberto Martinez kishte grumbulluar për finalen. Ronaldo nuk e harroi as shokun e ndjerë të ekipit, Diogo Zota, i cili vdiq në një aksident me makinë një muaj pas thirrjes në kombëtare; një orë tjetër është dërguar për familjen e tij.
Sipas vlerësimeve bazuar në çmimet e mëparshme të Jacob & Co, secila orë kushton rreth 69,000 dollarë pa diamante, që do të thotë se Ronaldo ka shpenzuar rreth 2.4 milionë dollarë për të gjithë dhuratën e ekipit.
Veprimi i Ronaldo-s tregon jo vetëm pasionin dhe mirënjohjen për shokët e tij të ekipit, por edhe stilin luksoz që e karakterizon jashtë fushës.
Celebrating victory on every detail.
The Jacob & Co Epic X – UEFA Nations League 2025 Champions is a custom edition made for @portugal ’s national team.
A skeleton dial, bespoke design, and the Portuguese crest — a watch as exceptional as the champions themselves.
Limited to… pic.twitter.com/ZajX7QTuAx
— Jacob&Co (@_Jacobandco) November 13, 2025
