Një nga risitë e listës së Panuçit për ndeshjen kundër Norvegjisë, është Kristal Abazaj. Futbollisti i Luftëtarit ka treguar një vazhdimësi, pasi prej dy sezonesh është një nga futbollistët më të preferuar në Superiore.
Në një intervistë për “Supersport”, Abazaj është shprehur se kjo arritje për të ka qënë paksa e vështirë, pasi ka luajtur për Luftëtarin, që gjendet në mesin e renditjes.
“Kur të vjen ftesa nga Kombëtarja, është arritja e madhe në karrierë. Kjo është një ëndërr që e kam pasur që në fëmijëri, por tashmë është bërë realitet. Gavazaj e ka pasur pak më të thjeshtë për të arritur Kombëtaren, pasi është pjesë e Skënderbeut.
Ndërsa unë e kam pasur pak më të vështirë, pasi jam pjesë e një ekipi që renditet në vendin e 4-të dhe të 5-të prej dy sezonesh. Mund të them se është arritje e madhe të kapësh Kombëtaren nga Luftëtari”, është shprehur Abazaj.
