Xhoen Osmënaj, i cili ditën e djeshme ra pre e dhunës së një efektivi police dhe një personi tjetër, ka folur për ngjarjen e ndodhur në qytetin e Fierit.
Ai shprehet se nuk ka patur asnjë konflikt me policin Anxhelo Bardhi apo shokun e tij, ndërsa theksoi se efektivin e njihte thjesht si fytyrë.
Osmënaj ka mohuar që sherri të ketë ndodhur për një femër, ndërsa shton se vajza që ishte me të në makinë është e afërmja e tij. Ai thotë se ka disa fraktura në fytyrë dhe duar, ndërsa edhe makina ka pësuar dëme.
“Nuk është se kishim pasur konflikt të përparshëm. Ndaluan dhe na prenë rrugën aty ku mblidhen gazetarët për të raportuar për COVID-in. Në atë moment dalin dy persona, polici dhe një person tjetër, që kishin një sqepar në dorë dhe nisën të thyenin xhamin përpara. Më pas xhamin e pasagjerit dhe më pas po më qëllonin dhe mua. Unë po mundohesha që të mbrohesha.
Më pas erdhi dhe patrulla e policisë. Me ata persona nuk kemi pasur debate më herët. I njihja si fytyra. Më qëlluan automjetin dhe unë para disa fraktura. U kapën në atë moment, pa thënë asnjë fjalë. Vajza që kisha në makinë është një e afërmja ime, s’ka lidhje me këtë çështje. Na mbajtën në polici, na pyetën. Edhe vajza u shoqërua.”, tha Xhoen Osmënaj.
