Luftëtari ka marrë një fitore tepër të rëndësishme ndaj Flamurtarit, fitore e cila e afron me Europën.
Tekniku i gjirokastriteve, Hasan Lika është shprehur i kënaqur nga loja e skuadrës së tij, edhe pse ka pasur mundësi për të shënuar më shumë gola. I pyetur për objektivat, ai tregon se objektiv shtë vetëm Europa dhe jo vendi i dytë.
“Kemi entuziasëm si pasojë e rezultateve dhe kemi deklaruar se po luftojmë për Europën e shpresoj që të ecim në këtë rrugë. Kemi shumë ndeshje të forta dhe na duhet shumë punë për të arritur në objektiv.
Goli i Abazajt? Ishim përgatitur për një skenë tjetër mqs kundërshtarët janë të gjatë dhe kërkuam një kros në shtyllën e parë por Abazaj të çudit me këto gola pasi ka cilësi shumë të mira pasi bashkë me Bregun stërviten për goditjet standarde. Mendoj se i shtohet reportorit të golave të tij edhe goditja standarde.
Kjo ishte ndeshja që mund të shkonte rezultati sipas lojës që kishim dhe me pak saktësi do kishim thelluar rezultatin pasi i kapëm shpesh herë në befasi. Nuk dominuam pasi i dhamë hapësirë kundërshtarit por them se kemi përgatitur lojën për t’i ushtruar presion kundërshtarit. Morëm një fitore edhe pse kundërshtari luajti mire dhe kishte mundësi të na barazonte ndërsa ne vuajtëm për të shënuar goline tretë që mund të mbyllte ndeshjen.
Ne donim t’i largoheshim mbijetesës dhe tani doli objektivi i Europës dhe nëse vazhdojmë kështu ne do ta kapim Europën, është e vështirë që një skuadër si Kukësi ta lëshojë vendin e dytë edhe pse nuk është një mision i pamundur.
Kur një skuadër ka një armë siç është loja në ajër të vë në vështirësi dhe ishim të ndërgjegjshëm në këtë drejtim. Gabimi ynë ishte që i lejuam të kromonin dhe duhet të punonim më shumë në linjën e parë të mbrojtjes dhe duhet të pengonim krosimet drejt zonës. Duhet të shënonim golin e tretë dhe them se ky ishte gabimi ynë.
Aventura e Likës? Pjesë e ecurisë pozitive është kjo por nuk mund të them se është ecuria më e mirë, pasi ju mbani mend fundin ndërsa unë mbaj mend edhe fillimin.
Tifozët? Këta janë tifozët e rinj sepse duhet pasur parasysh që tifozët e vjetër janë larguar. Ne e kemi pasur gjithmonë pranë tifozerinë dhe ky është një fenomen që ndodh rëndom në futbollin shqiptar. Në ndeshjen e sotme e më të mëparshme them se kemi qenë të mbështetur dhe dua t’i falënderoj për mbështetjen e tyre”, u shpreh Lika.
