Floriana Garo e ftuar në emisionin “S’e luan topi”, ka treguar se bashkëshortin e saj, avokatin Enis Daci, e njohu përmes platformës LindkedIn dhe pas një muaji bisedime intesinve ata vendosën të takoheshin.
Takimin e parë e kanë bërë në Itali dhe ishte takimi që përcaktoi se do ta kalonin jetën së bashku.
Floriana Garo: E kam njohur online përmes platformës LindkedIn, që nuk ka lidhje është platformë profesionale, por që aty qëlluam që ta shihnim njëri-tjetrin. Vijuam një komunikim intensiv për thuajse një muaj, përpara se të vendosnim të takoheshim, edhe kur u takuam patëm të njëjtën kimi që kishim edhe pa u takuar.
Çfarë të bëri më shumë përshtypje nga ky komunikimi një mujor?
Floriana Garo: Më bëri përshtypje fakti që im shoq nuk më njohu kush isha. As nuk e dinte fare se me çfarë merresha dhe ndoshta më kishte parë vetëm një herë në televizor, por nuk më kishte ndjekur. Më intrigoi shumë dhe isha e lirshme që të shprehesha.
Ai ka atë natyrën që t’i shikojë këto emisionet, nuk është pas botës së ekranit dhe unë i tregoja çdo gjë nga fillimi, si vinte nga unë dhe si e ndjeja unë, jo siç e shihte ai nëpër emisione apo gjërat që kisha bërë gjatë emisioneve të mia. Ka qenë një marrëdhënie shumë e sinqertë ku e kemi njohur njëri-tjetrin nga fillimi, shumë intensivisht.
Më bëri serioziteti i marrëdhënies, serioziteti i tij, zgjuarsia e tij, shumë cilësi që ai ka, që më bënë për vete.
