Ish-banorja e Big Brother VIP Kosova, Aurora Rrusta, ka rikthyer vëmendjen e publikut dhe mediave rozë pas publikimit të disa fotografive të reja në rrjetet sociale. Në këto imazhe, ajo shfaqet në shoqërinë e Londrimi, duke nxitur menjëherë reagime dhe diskutime mes ndjekësve të tyre.
Dyshja ndodhet aktualisht në Tiranë, ku duket se po kalojnë kohë së bashku në ambiente të ndryshme të qytetit. Fotografitë, të cilat janë shpërndarë gjerësisht në rrjet, kanë bërë që fansat të nisin aludimet për një afrim të mundshëm mes tyre, përtej një miqësie të zakonshme.
Kujtojmë se gjatë qëndrimit në shtëpinë e “Big Brother VIP Kosova”, Aurora dhe Londrimi kishin krijuar një raport të afërt, i cili u karakterizua nga momente miqësore, por edhe nga situata flirti që nuk kaluan pa u vënë re nga publiku. Kjo dinamikë mes tyre ishte komentuar shpesh gjatë spektaklit dhe kishte tërhequr interes të madh nga ndjekësit e formatit.
Publikimi i fotove të fundit duket se ka “ringjallur” këtë interes, duke shtuar dyshimet se raporti i tyre mund të ketë evoluar edhe jashtë shtëpisë së famshme. Komentet në rrjetet sociale kanë qenë të shumta, ku fansat shprehin kureshtjen për të mësuar më shumë rreth asaj që po ndodh mes tyre.
Megjithatë, deri në këto momente, as Aurora Rrusta dhe as Londrimi nuk kanë bërë ndonjë reagim publik për të sqaruar natyrën e marrëdhënies së tyre, duke lënë gjithçka në kuadër të spekulimeve.
