Një foto mjaft prekëse e postuar në Facebook nga Klinika Veterinare Kapsiotis në Trikala po bën xhiron e internetit dhe tregon një qen të humbur të shtrirë para urës së Karavoporos. Kafsha i ka shpëtuar përmbytjeve në zonë dhe duket se është në pritje të kujdestarit të saj.
Situata është e dëshpëruar pothuajse në të gjithë zonën e prefekturës së Trikallës pas vërshimit të stuhisë Daniel. Pak pas orës 10 të mbrëmjes së djeshme uji ka mbuluar urën e Karavoporos dhe policia ka mbyllur menjëherë rrugën nacionale Trikalla – Pyli.
Bashkia ftoi qytetarët që banonin në shtëpitë përdhese ose të evakuoheshin te të afërmit e tyre që banonin në zona më të ngritua ose të akomodoheshin në hotele.Dëme të mëdha u shkaktuan në shumë fshatra, ku uji arriti një lartësi deri në 1.5 metër, duke mbuluar rrugë, makina, madje edhe katet e para të shtëpive.
Dhe në mes të gjithë kësaj, kafshë të panumërta janë zhdukur. Kafshët endacake kanë humbur strehimoret e tyre të zakonshme dhe kafshët e tjera po kërkojnë kujdestarët e tyre ndërsa enden mes mbeturinave dhe baltës.
