Delvina ka arritur të ndalë Luftëtarin, kryesuesin e Kategorisë së Dytë, në një barazim pa gola 0-0, në një ndeshje të tensionuar dhe me shumë ngjarje në fushë.
Skuadra delvinjote, pavarësisht vështirësive dhe faktit që trajneri kryesor ndodhet në arrest me burg, ia doli të rezistojë përballë një prej ekipeve më të forta të kampionatit.
Në fundin e pjesës së dytë, Delvina u penalizua me dy kartonë të kuq, duke e mbyllur ndeshjen me 9 lojtarë në fushë. Pavarësisht kësaj, Luftëtari nuk arriti të shfrytëzojë epërsinë numerike. Luftëtari vijon të jetë në krye të renditjes.
