Lojtari i ndeshjes Luftëtari-Lushnja, Kristal Abazaj, u shpreh i pakënaqur me lojën e Luftëtarit, por thotë se ka besim te arritja e objektivit Europë për ekipin e tij. Për merkaton, ai u shpreh se nuk shpërqendrohet nga zërat që e çojnë jashtë Shqipërisë, por tha se eshtë afër një transferimi në Europë.
Goli i dytë radhazi, por ky nuk ishte Luftëtari më i mirë.
Kemi bërë një ndeshje shumë të dobët, e nënvlerësuam Lushnjën. Nuk është kjo performanca që prisnin tifozët. Shpresoj të rrisim nivelin e lojës.
Në qershor do largoheni nga Shqipëria, edhe pse jeni i Skënderbeut. Në Belgjikë?
Për momentin jam i fokusuar këtu, zërat e merkatos nuk më shpërqendrojnë. Kur të vijë merkato, të shohim.
Po në Holandë?
Sinqerisht, nuk mund të flas. Jemi afër, gjithsesi.
Ku e shikoni veten si ekip?
Ne kemi shpallur objektivin tonë, duam Europën. Me pak vështirësi, por do ia dalim.
