Pas ekzekutimit mafioz të dy personave në Panaja të Vlorë, që po qarkullonin me një makinë Benz në autostradën Fier-Vlorë, një makinë është gjetur duke u djegur në Çerven dhe dyshohet se i përket autorëve.
Mesohet se automjeti ishte BMW pa targa. Kanë qenë kalimtarët që kanë njoftuar Policinë dhe zjarrfiksen. Dyshohet se ajo është makina e autorëve të krimit në Panaja të Vlorës.
Autorët duket se kanë qënë në pritje që viktimat të kalonin dhe i kanë qëlluar me një breshëri kallashnikovi. Sipas burimeve, dyshohet se kanë qënë tre autorë, njeri drejtonte makinën dhe dy të tjerët kanë qëlluar. Më pas janë larguar me shpejtësi duke djegur automjetin në Çerven në aksin Levan-Tepelenë.
Megjithatë, një radhë e gjatë trafiku është krijuar në zonë në këtë moment për shkak të se është piku i sezonit turistik dhe rruga është bllokuar. Viktimat e atentatit të sotëm janë Shpati Lena rreth 37 vjeç, dhe Hakim Xhezo, 34 vjeç, i njohur si “Bushi”
