Gjermania ka arritur të fitojë në momentet e fundit të ndeshjes me Suedinë, dhe të përmbysin rezultatin në 2-1. Pas kësaj fitore, situata në Grupin F është ngatërruar sa i përket kalkulimeve matematikore pasi që tani as Meksika që ka 6 pikë nuk është e sigurt. Meksika mori fitoren e dytë në Kupën e Botës, por ata sërish nuk mund të festojnë kalimin e fazës së grupeve, pasi matematika i mban ende në lojë dy skuadrat e tjera në grup.
Aktualisht Meksika është në kuotën e 6 pikëve, por këtë kuotë pikësh mund ta arrijnë edhe Gjermania dhe Suedia. Gjermania pas fitores Suedinë, dhe nëse mposhtë Korenë e Jugut në ndeshjen e tretë në Grupin F, do të mblidhte 6 pikë. Po ashtu, edhe Suedia nëse do të triumfonte ndaj Meksikës në takimin e fundit, do të grumbullonte 6 pikë, atëherë 3 skuadra do të kenë pikët e njëjta.
Në këtë rast në lojë golat që do të vendosnin se kush vazhdojë më tutje në 1/8 e finales. Në Grupin F nuk është kualifikuar askush dhe nuk është eliminuar askush. Prandaj, kampionëve të botës do t’u duhet ndihmë. Meksika kryeson me 6 pikë (+2), Gjermania renditet e dyta me 3 pikë (+0), Suedia e treta me 3 pikë (+0) dhe Koreja e Jugut e fundit me 0 pikë dhe (-2 diferencë golash). Por si kualifikohet secila skuadër?
GJERMANIA KUALIFIKOHET KUR:
fiton ndaj Koresë së Jugut dhe Suedia nuk fiton kundër Meksikës.
fiton ndaj Koresë së Jugut dhe diferenca e golave të gjermanëve është më e mirë se ajo e Meksikës apo Suedisë.
barazon ndaj Koresë së Jugut dhe Suedia humbet kundër Meksikës.
barazon ndaj Koresë së Jugut dhe Suedia kundër Meksikës përfundon barazim dhe pastaj diferenca e golave është më e mirë se e suedezëve.
humbet ndaj Koresë së Jugut, Suedia humbet kundër Meksikës dhe pastaj diferenca e golave të gjermanëve është më e mirë se ajo e Suedisë dhe Koresë së Jugut.
MEKSIKA KUALIFIKOHET KUR:
fiton ose barazon ndaj Suedisë.
humbet kundër Suedisë, ndërsa Gjermania nuk fiton ndaj Koresë së Jugut
humbet kundër Suedisë, ndërsa Gjermania fiton kundër Koresë dhe pastaj diferencën e golave e ka më të mirë sesa gjermanët.
SUEDIA KUALIFIKOHET KUR:
fiton ndaj Meksikës dhe Gjermania nuk fiton ndaj Koresë së Jugut.
fiton ndaj Meksikës dhe Gjermania fiton ndaj Koresë së Jugut dhe pastaj diferenca e tyre e golave është më e mirë sesa ajo e Meksikës apo Gjermanisë.
barazon ndaj Meksikës dhe Gjermania humbet ndaj Koresë së Jugut.
barazon ndaj Meksikës dhe Gjermania barazon ndaj Koresë së Jugut dhe pastaj diferenca e golave është më e mirë se e Gjermanisë.
humbet ndaj Meksikës dhe Gjermania humbet ndaj Koresë së Jugut dhe pastaj diferenca e golave është më e mirë se ajo e Gjermanisë dhe Koresë së Jugut.
KOREJA E JUGUT KUALIFIKOHET KUR:
fiton kundër Gjermanisë dhe Suedia humbet kundër Meksikës dhe pastaj diferenca e golave është më e mirë sesa e Gjermanisë dhe Suedisë.
Rregullorja/ Nga golat te kartonët, ja si “luhet” grupi
