Tetori është shënuar si muaji i ndërgjegjësimit publik në kuadër të luftës kundër trafikimit të qenieve njerëzore. Me këtë rast në gjimnazin “Hasan Tahsini” të Sarandës është zhvilluar një aktivitet nga psikologia Brunilda Jaho.
Veç nxënësve dhe mësuesve, të pranishëm në këtë aktivitet ishin edhe përfaqësues nga Prokuroria e rrethit, si dhe nga njësia për mbrojtjen e fëmijëve në Bashkinë Sarandë.
“Lufta kundër trafikimit të qënieve njerëzore duhet të jetë e vazhdueshme dhe e pandalshme”, tha psikologia Jaho.
Sipas saj përpjekja për të ndaluar këtë fenomen është e përbashkët e të gjithë shoqërisë, jo thjesht detyrë funksionale e disa institucioneve.
Në vendin tonë target grupet më të ekspozuara ndaj fenomenit të trafikimit të qenieve njerëzore mbeten emigrantët të cilët lëvizin nga njëri shtet në tjetrin dhe personat që i përkasin kryesisht komunitetit rom dhe egjiptian.
©argjiroja.net
