Një aksident ka ndodhur pasditen e sotme në aksin rrugor Valare-Kakoz. Policia njofton se kanë mbetur të plagosur dy shtetas pasi mjeti me të cilin udhëtonin ka dalë nga rruga. Fatmirësisht ata janë jashtë rrezikut për jetën.
Gjirokastër/ Informacion paraprak.
Rreth orës 16:00, njoftohemi se në aksin rrugor rural Valare-Kakoz, mjeti tip “Audi” ka dal nga rruga. Për pasojë kanë mbetur të dëmtuar drejtuesi i mjetit, shtetasi I. Sh, rreth 50 vjeç dhe pasagjeri, shtetasi A. D., rreth 52 vjeç, banues në fshatin Kakoz, Gjirokastër, të cilët u transportuan për në spitalin Gjirokastër dhe ndodhen jashtë rrezikut për jetën. Në vendngjarje shkuan shërbimet e policisë, grupi hetimor po punon për përcaktimin e shkaqeve të aksidentit.
