Nga Gjirokastra vijon të ketë lajme të mira përsa i përket pandemisë. Sot kanë dalë përgjigjet e 22 mostrave të marra për emigrantët që po karantinohen në disa hotele. Fatmirësisht ato kanë dalë negative, pra s’janë të infektuar me Covid-19.
Njësia e Kujdesit Shëndetësor Gjirokastër ka siguruar përmes mjekëve të familjes shërbim nëpër hotelet ku do të qëndrojnë për 14 ditë personat e kthyer nga Greqia. Në rang qarku janë 47 persona. Nesër pritet që kryeministri Edi Rama të prezantojë një plan të ri për riatdhesimin e personave që kanë ngelur jashtë vendit dhe duan të rikthehen në Shqipëri.
Aktualisht ka hotele në Dropull, Gjirokastër dhe Tepelenë ku po qëndrojnë emigrantët. Ndonëse Rama tha ditë më parë se ata do të qëndrojnë në hotel me shpenzimet e veta, sot prefekti i Gjirokastrës njoftoi se ushqimin për emigrantët e kanë marrë përsipër bashkitë e qarkut.
©argjiroja.net
