Këshilli Bashkiak i Gjirokastrës votoi sot Paketën Fiskale të vitit 2020. Përmes një njoftimi Bashkia Gjirokastër rendit ndryshimet që janë bërë.
👉Taksa e ndërtesës për familjet në nevojë, pensionistët, personat me Aftësi të Kufizuar, nga 2400 lekë bëhet 0.
👉Për biznesin nga 30lekë/m2, bëhet 18.5lekë/m2.
👉Kryefamiljarët pensionistët, invalidët dhe personat që trajtohen me ndihmë ekonomike nën nivelin e minimumit jetik, përjashtohen nga të gjitha taksat e Bashkisë.
👉Shërbimi funeral nuk do të jetë më privat, por do të menaxhohet nga Bashkia, duke reduktuar kostot.
👉Ndryshim i dy taksave në Pazar që do të kthehen në rritje dhe zgjerim të zonës së investimeve nga Fondit Amerikan i Zhvillimit.
👉Në Njësitë Administrative nuk ka rritje të taksave, por shtim investimesh në infrastrukturën rrugore, ndriçim, pastrim, etj.
👉Në vitin 2020 në lagjen Zinxhira, do të ndërtohet nga Enti Kombëtar i Banesave, një banesë masive për familjet e pastreha ndërsa disa familje në nevojë do përfitojnë kredi të buta.
Ndërkohë kryebashkiaku Flamur Golemi shprehet se “jo vetëm që nuk do të rëndojmë qytetarët me taksa e tarifa të reja gjatë vitit të ardhshëm, por kemi bërë ulje në disa prej tyre”.
“Unë besoj se me një administrim të mirë të taksave dhe tarifave gjatë vitit të ardhshëm ne do të mundim të përmirësojmë shërbimet publike dhe të financojmë disa investime me të ardhurat tona. Administrata tatimore do të rrisë performancën në mbledhjen e të ardhurave, por kurrsesi jo duke rënduar padrejtësisht biznesin dhe taksapaguesit e zakonshëm”, thotë Golemi.
©argjiroja.net
