Policia e Gjirokastrës ka ndaluar një grua pranë fshatit Mashkullorë, pasi në automjetin me të cilin ajo udhëtonte i gjetën mallra kontrabandë. E ndaluara është 42-vjeçarja B.P banuese në Tiranë. Dy ditë më parë ajo u kap në orën 21:15, në aksin nacional Gjirokastër – Tepelenë, pranë kryqëzimit të fshatit Mashkullorë. Gjatë kontrollit të mjetit tip furgon, “Mercedes Benz”, me drejtues shtetasin P.M, dhe gjatë kontrollit të mjetit tip autoveturë, “Mercedes Benz”, me të cilin udhëtonte shtetësja B.P, iu gjetën disa pajisje elektro-shtëpiake të reja, për të cilat nuk dispononte asnjë dokument faturë blerje apo deklaratë doganore.
Në cilësinë provës materiale u sekuestruan një mikrovalë, një hekur rrobash, një thekëse buke, një spricator për rroba, një pajisje lavamani, një sobë, dy kuti detergjenti, një lavapjatë, dy frigoriferë, një larëse rrobash dhe një tharëse rrobash, të cilat ishin të markave të ndryshme. Seksioni kundër krimit ekonomik e financiar në Policinë e Gjirokstrës ka referuar në Prokurori amaterialet hetimore ndaj gruas së mësipërme. Ajo akuzohet për veprën penale “Tregtim dhe transportim i mallrave që janë kontrabandë”.
©ArgjiroLajm.net
