Respekto rregullat e qarkullimit rrugor, shpëto jetë!
Shërbimet e Qarkullimit Rrugor në Drejtorinë Vendore të Policisë Gjirokastër kanë vijuar me kontrollet intensive në të gjitha akset rrugore të qarkut Gjirokastër, për të evidentuar dhe ndëshkuar shkelësit e Kodit Rrugor, me qëllim parandalimin e aksidenteve rrugore dhe rritjen e parametrave të sigurisë së jetës në rrugë.
●Gjatë 15 ditëve të para të muajit korrik janë vendosur 820 masa administrative për shkelje të ndryshme të Kodit Rrugor, si dhe është arrestuar 1 drejtues mjeti.
●Janë pezulluar 23 leje drejtimi;
●Janë vendosur 334 masa administrative për parakalime të gabuara;
● Janë vendosur 120 masa administrative për tejkalim të shpejtësisë;
●Janë vendosur 31 masa administrative për mosvendosje të rripit të sigurimit dhe 8 masa administrative për mosvendosje të kaskës mbrojtëse;
● Janë bllokuar 4 automjete, për mungesë dokumentacioni.
👮👮♀🚔Policia Rrugore, nisur edhe nga fakti se përgjatë fundjavës fluksi në akset rrugore në drejtim të zonave bregdetare dhe turistike është i shtuar, apelon për të gjithë drejtuesit e automjeteve që të respektojnë rregullat e qarkullimit rrugor, si dhe fton qytetarët që të denoncojnë në Komisariatin Dixhital dhe në numrin e emergjencave 112, çdo paligjshmëri.
#MosUbejStatistike🚑
#RregullKujdesDurimDestinacion
#NeJemiAtyPerSigurineTuaj🚔
