Një punonjëse e Ndërmarrjes së Trajtimit Studentor Gjirokastër denoncon drejtoreshën e këtij institucioni, Doriana Demo për pushim të padrejtë nga puna. Përmes disa reagimeve në faqen e saj në Facebook, Adelina Loloci pretendon se drejtoresha e ka larguar nga puna si sanitare për të favorizuar njerëz të saj. Sipas asaj që shkruan Loloci, nga drejtoresha Demo i është thënë se motivi i largimit nga puna lidhet me shkurtimin e pozicionit të saj, por kjo arsye i duket jo e vërtetë. Ajo punonte në Ndërmarrjen e Trajtimit Studentor Gjirokastër prej gati 5 vitesh. Më poshtë reagimi i saj i plotë.
©argjiroja.net
