Ishte në listën e lojtarëve që nuk ishin njoftuar për të qenë pjesë e stërvitjes nën drejtimin e trajnerit të ri slloven të Luftëtarit, Millosh Kostiç, por ndodhi e kundërta. Eri Lamçja do të vazhdojë të jetë pjesë e Luftëtarit, duke qenë nën kontratë edhe për një sezon me gjirokastritët.
Sulmuesi elbasanas ka bërë mirë sa herë i është dhënë mundësia gjatë sezonit të fundit. Në seancën e së enjtes, ai ka qenë nën urdhrat e trajnerit slloven. Krahas tij, stërvitjes i janë bashkangjitur edhe lojtarë të rinj që munguan në ditën e parë dhe që janë nën kontratë me Luftëtarin si Stivian Janku, David Bocaj, Kejdi Balla etj.
