Disa orë pas ekzekutimit nga forcat RENEA, trupi i 35-vjeçarit Kostandinos Kaçifaj nuk është dërguar ende në banesën e tij pranë familjes në Bularat. Burime të ArgjiroLajm.net thonë se ai qëndron në morgun e spitalit të Gjirokastrës. Pritet që të mbërrijnë ekspertë mjeko-ligjorë nga Tirana për të bërë procedurat e nevojshme. Më pas arkmorti do të dërgohet pranë familjes. Kjo e fundit ka hapur dyert e mortit. Kostandinos Kaçifas u qëllua nga RENEA me një plumb në kokë dhe një në gjoks. Ai nuk iu përgjigj thirrjes së policisë për t’u dorëzuar.
©ArgjiroLajm.net
