Ura pranë liqenit të Viroit në hyrje të Gjirokastrës pritet të ndërtohet e re. Lajmin e konfirmon kryebashkiaku Flamur Golemi teksa publikon edhe foto nga një takim konsultativ që është bërë sot për projektin. Investimi është i Autoritetit Rrugor Shqiptar, me financim të Bankës Botërore.
“Patëm sot një takim konsultativ për projektin e rehabilitimit të urës pranë liqenit të Viroit në rrugën nacionale. Me përfundimin e investimi të ARRSH brenda këtij viti shmangim përmbytjet në këtë pjesë sa herë ka reshje intensive dhe lehtësojmë qarkullimin e makinave. E po kështu i japim një pamje tjetër kësaj ‘porte hyrëse’ për në Gjirokastër dhe Parkun Natyror të Viroit. Mezi pres ta nisim edhe këtë kantier tjetër, që dëshmon sërish se pavarësisht goditjes që na dha tërmeti dhe pandemia në financat publike, ia kemi dalë mbanë të bëjmë investime publike në këto kohë të trazuara”, shkruan Golemi.
