Gjatë 24 orëve të fundit në të gjithë vendin janë shënuar 10 vatra zjarri në disa qarqe të vendit, njoftojnë Emergjencat Civile.
Në operacione për shuarjen e zjarreve janë angazhuar 100 punonjës zjarrfikës, 14 automjete zjarrfikëse, 90 forca ushtarake, 10 FNSH, rreth 70 punonjës të Pyjores e të bashkive dhe vullnetarë, të mbështetur edhe nga helikopterë.
Sa i përket qarkut Gjirokastër, zjarri i rënë një ditë më parë në fshatin Shëndriadh, ka djegur një sipërfaqe me shkurre, ferra dhe pisha pranë një ish-repartit ushtarak.
Pas ndërhyrjes së zjarrfikësve flakët janë shuar.
