Legjenda e futbollit gjirokastrit, Sefedin Braho, është përcjellë sot në banesën e fundit. Homazhet publike u zhvilluan në pallatin e sportit të qytetit. Mes qytetarëve të shumtë që nderuan ish-futbollistin e Luftëtarit, Partizanit e Kombëtares, ishin edhe ministrja e Turizmit e Mjedisit, Mirela Kumbaro, si dhe kryetari i bashkisë, Flamur Golemi. Sefedin Braho ndërroi jetë në moshën 71-vjeçare një ditë me parë pas komplikacioneve me shëndetin. Argjiroja.net i shpreh ngushëllimet familjes së tij, si dhe propozon që Këshilli Bashkiak të emërtojë stadiumin e Gjirokastrës me emrin Sefedin Braho. ©ARGJIROJA.net
