Policia e Gjirokastrës ka ngritur mbrëmjen e sotme 4 dronë për të monitoruar situatën jo vetëm në qytet por edhe në rrethinat e tij. Edhe pse qyteti është i boshatisur totalisht, policia është duke monitoruar rreptë cdo hapësirë. Izolimi total ka nisur që në orën 13:00 dhe do të përfundojë në orën 05:00 të ditës së hënë.
Mësohet se pamjet që po filmohen me dronë transmetohen direkt në serverin e Policisë së Shtetit. Në rast të evidentimit të ndonjë shkelësi, ai zbulohet dhe me pas ndëshkohet sipas dispozitave që njeh ligji në raste emergjencash si ajo e COVID-19.
Gjatë ditës së sotme kryeministri Edi Rama tha se masat e ashpra do të vijojnë edhe gjatë javës së ardhshme me po të njëjtin orar, 05:00-13:00. Sipas tij kush nuk zbaton masat shtrënguese, është një tradhëtar i luftës me armikun e padukshëm, Covid-19. Deri më tani në Shqipëri janë 70 të infektuar me koronavirus.
©argjiroja.net
