Trajneri Hasan Lika theksoi pas barazimit 1-1 me Flamurtarin se skuadra gabon në mënyrën si mbrohet dhe në pasimin final, por ka falënderuar të tijtë ëpr sakrificën, veçanërisht kapitenin Beqiri, Rrocën dhe Aleksin, që luajtën të dmëtuar:
“Është me natyrë individuale të zgjidhësh situatat. Duhet të jemi më të kujdesshëm, ta interpretojmë më mirë rastin. Prodhimi i lojës na ka dhënë mundësi të shënojmë. Kemi probleme në aspektin mbrojtës si skuadër dhe si individë. Meritojmë nota pozitive, sepse nuk është e lehtë për të rikuperuar, kur e nis në disavantazh.
Dua të falënderoj futbollistët që dhanë maksimumin, pa përjashtim. Veçanërisht Beqirin, i cili pësoi një dëmtim në nxemje, por sakrifikoi. Nuk ishte në 100%, por bëri sa mundi. Falënderoj edhe Rrocën dhe Aleksin, që kanë pasur probleme gjatë stërvitjes gjatë javës. Aleksi e kaloi traumën gjatë ndeshjes. Kemi marrë gol dhe me lojë kemi arritur të marrim rezultat. Një farë frike apo ndroje ka në skuadër, është normale për çdo skuadër në këto pozita. Krijojmë shumë, por na mungon konkludimi. Sot, më shumë se çdo herë tjetër, pasimi i fundi kishte probleme.
Alternativat nuk i kemi. Na duhet të përforcohemi, pasi me këtë kontigjent kemi probleme në këtë kampionat të gjatë. Besoj se do të përforcohemi, kështu kemi biseduar me presidentin.
Te pësimi i golit duhej kujdes nga futbollisti brenda shtyllës së dytë, edhe portieri. Na ndodhi dhe më parë, por Toledo me zgjuarsi e eleminoi. Ishte një sulm me pasime të shumta, që i krijojnë mundësi mbrojtjes të vendoset. Ishte një mbyllje shumë e vonuar. Kemi lojtarë të rinj. Kemi përshtatur edhe Rapën në mbrojtje”, – tha për “Supersport” trajneri i Luftëtarit, Lika.
