Gjirokastra është tashmë një zonë e kuqe e infeksionit të Covid 19. Kjo u konfirmua sot zyrtarisht edhe nga Ministria e Shëndetësisë. Ndërkohë dy kopshte në qytet janë mbyllur. Bëhet fjalë për kopshtin Nr.2 dhe Nr.4, që në qytet njihen si “Cicërimat” dhe “Soros”. Nuk ka një afat se kur do të rihapen kopshtet, stafet e të cilëve janë prektur nga koronavirusi. Një ditë më parë u njoftua pezullimi i përkohshëm i mësimit në shkollën “Koto Hoxhi” për shkak të rasteve të shtuara me Covid 19. Por sot drejtori i saj tha se ishte një keqinterpretim nga mediat pasi shkolla në fakt vijon mësimin normalisht edhe pse janë disa mësues të infektuar me Covid. Gjatë javës që shkoi në qarkun Gjirokastër u regjistruan 136 raste të reja me Covid.
©argjiroja.net
