Banori i Big Brother Vip Kosova Stresi, ka ndarë me banorët gjatë ditës së sotme humbjen e gjyshit të tij që tashmë ka bërë vitin.
Stresi ka zbuluar se ishte gjyshi ai që i ka vënë emrin dhe gjithmonë ka pasur një lidhje të veçantë me të.
Ai ka thënë se gjyshi kishte ndërruar jetë ndërkohë që po flisnin së bashku në kamer, ndërkohë që nëna e tij ishte duke bërë lutjen e fundit.
“Gjyshi im ka ndërruar jetë në moshën 97-vjeçe, gjashtë muajt e fundit më tha ‘s’ka gjë më të shkurtër se jeta’. Mua gjyshi më ka vdekur duke folur në kamerë me të, ai ma ka ngjitur emrin ‘Arkimed’. Nëna ishte duke bërë lutjet e fundit, sepse nëna ime falet pesë vakte”, ka thënë Stresi mes të tjerash.
Stresi është një ndër banorët që ka ndarë më së shumti detaje nga jeta e tij personale gjatë rrugëtimit të tij në Big Brother, duke treguar kështu edhe një anë tjetër të tij i “zhveshur” nga statusi i rreperit dhe djalit të zhurmshëm.
