Nuk ka fund “saga” e dëmtimeve për Ardian Ismajlin. Qendërmbrojtësi kuqezi doli i dëmtuar nga sfida e fundit kundër Como-s, por situata është më shqetësuese se sa mendohej fillimisht. Ismajli iu nënshtrua testeve mjekësorë të hënën dhe sipas njoftimit zyrtar të klubit bëhet fjalë për një tërheqje të muskujve në kofshën e djathtë:
“Klubi i Torinos njofton se Ardian Ismajli iu nënshtrua testeve mjekësore që nxorën në pah një tërheqje muskulore në kofshën e djathtë. Prognoza e saktë do vlerësohet sipas evoluimit të dëmtimit”, lexohet ndër të tjera në reagimin e Torinos.
Sipas mediave italiane, ky dëmtim pritet ta mbajë Ismajlin jashtë fushës së lojës për të paktën një muaj. Për të disatën herë gjatë këtij sezoni, Ismajli ndalet sërish, një mungesë shumë e madhe për trajnerin Baroni, pasi imapkti i tij në skuadër është shumë i madh.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
