Policia greke e rajonit të Janinës ka vrarë një trafikant shqiptar në Sopik, pranë kufirit me vendin tonë. Ndërkohë është vënë në ndjekje të 4 të tjerëve. Nga raportimet e mediave greke, grupi shqiptar kishte rreth 100 kg kanabis me vete dhe dy armë kallashnikovë. Operacioni është në vijim. Emri i shqiptarit të vrarë nuk dihet ende. Kjo ngjarje vjen pak ditë pas vrasjes në Dropull të ekstrmistit Kostandin Kacifas.
Natyrisht që ngjarjet nuk kanë lidhje me njëra-tjetrën, por në thelb ato janë njësoj kur vjen puna tek nxitja e furisë nacionliste andej e këtej kufirit, sidomos në rrjetet sociale. Teksa lajmi është publikuar në mediat greke, kanë vërshuar qindra komente që e shohin ngjarjen si hakmarrje për Kacifasin.
Rrethanat në të cilat policia greke ka vrarë trafikantin shqiptarë nuk dihen ende. Pritet që në orët në vijim të zbardhen më shumë detaje për ngjarjen. Policia ka rrethuar zonën e Pogonit në Janinë në përpjekje për të arrestuar anëtarët e tjerë të grupit, që u arratisën.
©ArgjiroLajm.net
