Prej disa ditësh në Greqi është zhdukur një vajzë shqiptare, Esperanca Mustafa, 18-vjeç. Që prej ditës së zhdukjes, të dielën e kaluar, ende nuk dihet asnjë gjë për të.
Në njoftimin e mediave, Esperanca Mustafa është 1.55 metra e gjatë, me flokë dhe sy të zinj. Ditën që ajo është zhdukur, kishte veshur një palë tuta të zeza, atlete të zeza dhe një bluzë.
Mesazhi i fundit që ka lënë ajo para se të dilte nga shtëpia ishte se do të shkonte në parukeri.
