57 pasagjerë kanë humbur jetën dhe 56 të tjera janë ende të zhdukur pas përplasjes së trenave, raportojnë mediat greke. Operacionet e kërkim shpëtimit janë ende duke u zhvilluar në kushte të vështira me fokus tani në vagonin e tretë të trenit që është shkatërruar pothuajse plotësisht.
Ndërkohë, prokurori i Gjykatës së Lartë në Greqi, Isidoros Dogiakos i ka bërë thirrje prokurorit hetues të Larisës të zgjerojë kërkimin e tij në të gjitha drejtimet për të identifikuar përgjegjësit për përplasjen vdekjeprurëse të dy trenave në Greqinë qendrore pak para mesnatës të së martës.
Ai theksoi se qëllimi i hetimit të aksidentit të rëndë është që të identifikohen përgjegjësit. “Kushdo qofshin ata, çfarëdo që përfaqësojnë”, tha Dogiakos duke sinjalizuar se hetimet do të fokusohen edhe në dështimet në sistemet e sigurisë, emërimin e një drejtuesi stacioni pa përvojë në një pozicion kyç dhe të tjera
