Procedohet pronari i një guroreje, Thoma Pirali. Ky person, dyshohet se nxirrte gurë pa leje në një gurore në fshatin Jergucat të Dropullit. Po ashtu është sekuestruar mjeti tip skrep me të cilin kryhej nxjerrja pa leje e gurëve. Kanë qenë banorët e fshatit që kanë denoncuar në policinë e Gjirokastrës dhe menjëherë policia ka verifikuar rastin duke bllokuar mjetin e punës dhe vënë në pranga autorin.
NJOFTIMI
Specialistët e Seksionit për Hetimin e Krimeve të Komisariatit të Policisë Gjirokastër referuan materialet në Prokurori dhe nisi procedimi në gjendje të lirë për shtetasin Th. P., 59 vjeç, banues në Dropull, Gjirokastër, për veprën penale “Shpërdorimi i tokës”, pasi dyshohet se ka kryer punime për shfrytëzim e një guroreje, në tokë publike, në fshatin Jorgucat, Dropull.
Thoma Pirali zotëron një gurore në fshatin Frashtan të Dropullit të Poshtëm. Kujtojmë se gurorja u bë ‘mollë sherri’ në Fushë-Krujë, aty ku situata u përshkallëzua duke u përdorur dhunë nga fisi Rraja.
