Sonte në emisionin ‘Zonë e Lirë’ ishte i ftuar regjisori i filmit për John Edward Alite i njohur ndryshe si “Jonny Alletto”, një mafioz shqiptar në Amerikë me origjinë nga Gjirokastra. Teksa po pyeste regjisorin e filmit, Arjan Çani shprehu habinë e tij se si mund të jetë nga Gjirokastra një mafioz kaq i madh.
“Për herë të parë që dëgjoj një gjirokastrit të dilte mafioz. Mund të ishte nga Fieri, nga Vlora apo ndonjë qytet tjetër, por nga Gjirokastra nuk më shkonte ndërmend kurrë”, ka thën Çani.
Jonny Alletto me origjinë nga Gjirokastra ësshtë konsideruar si “krahu i djathtë” i familjes mafioze Gambino dhe padronit John Angeli. Në 2011-ën, Alite u dënua me 10 vjet burg për një sërë akuzash, si: vrasje, drogë, vjedhje, vënie gjobash dhe fshehje të krimeve. Në këtë periudhë të qëndrimit të tij në burg, ai bashkëpunoi me autoritetet federale amerikane. Mafiozi nga Gjirokastra dëshmoi kundër familjes mafioze Gambino, Gotti-t, Charles Carneglia dhe kundër ish-bashkëpunëtorëve të tij. Filmi i regjisorit shqiptar për të pritet të dalë në kinema shumë shpejt.
©ArgjiroLajm.net
