Teksa opozita po protestonte përballë kryeministrisë ku ishin mbledhur mijëra qytetarë, Kryeministra Edi Rama ka bërë hapjen për qarkullimin e automjeteve të Bypass-it të Vlorës.
I shoqëruar nga ministrja Belinda Balluku, dhe Arben Ahmetaj, Rama tha se amerikanët kaluan sot nga Bypass-i dhe ishin habitur me punimet.
“Miqtë amerikanë që ishin sot paradite, kaluan këtu dhe atyre nuk u besoj se ishte një vepër që ishte në Shqipëri. Ata nuk e imagjnojnë dot se përtej kompleksitetit inxhinierik, vepra ka gjithë ato historitë e tmerrshme me pronat dhe me pseudo -pronarët.”- tha Rama.
Opozita para zyrës së tij, Rama i bën “konkurrencë” protestës, lajmëron live nga Bypassi i Vlorës
Ndërkohë krahas videos kreu i qeverisë shkruan se Bypass-i i Vlorës është një tjetër provë e cila flet vetë për vullnetin e palëkundur për Shqipërinë që duam.
“Hapet i përfunduar për qarkullimin e automjeteve bypass-i i Vlorës, një segment kyç për turizmin bregdetar që ofron edhe një panoramë fantastike të gjirit të Vlorës. Kjo është një tjetër provë e cila flet vetë për vullnetin e palëkundur për Shqipërinë që duam”– shkruan Rama.
