Harry Styles, një nga emrat më të përfolur të muzikës pop, është parë në një moment të nxehtë me një grua misterioze gjatë festivalit të famshëm Glastonbury në Britani, duke ndezur menjëherë zërat për një lidhje të re.
Artisti 31-vjeçar, i cili dikur ishte pjesë e grupit One Direction, është fotografuar në zonën VIP teksa përqafonte dhe puthte një femër të panjohur, përpara një grupi miqsh dhe festivalesh. Pamjet që qarkulluan online, përfshirë një video të siguruar nga The Sun, e tregojnë Styles-in në një atmosferë të relaksuar dhe intime me të panjohurën, ndërsa vallëzonin së bashku nën ritmin e muzikës.
“Dukej sikur nuk kishte askënd tjetër përveç saj. Ishin shumë afër, gjithë natën,” – tha një burim nga vendngjarja.
Kjo shfaqje publike vjen një vit pas ndarjes së Harry-t me aktoren Taylor Russell dhe dy vite pas puthjes së shumëkomentuar me modelen Emily Ratajkowski në Tokio.
