U zgjodhën sot me short, anëtarët e Këshillit të Emërimeve në Drejtësi, një nga organet e reja të drejtësisë në kuadrin e Reformës.
Shorti u hodh mes debateve PD-PS në Kryesinë e Kuvendit në një mbledhje të drejtuar nga nënkryetarja e Kuvendit Vasilika Hysi me praninë e deputetëve të komisionit të Ligjeve nga PS, PD dhe vetëm një deputeti, Nasip Naços nga LSI. PO ashtu, procesi u zhvillua në praninë e përfaqësuesve të institucioneve të Drejtësisë, Avokatit të Popullit, trupit diplomatik etj.
Emrat e të zgjedhurve janë: Besnik Ymeraj, Altina Xhoxhaj, Alban Broci, Rovena Gashi, Enton Dhimitri (Gjyqtar i Apelit Gjirokastër), Fatos Qato, Gentian Trenova, Fationa Memçaj, Ahmet Jangulli
Anëtarë zëvendësues: Vitore Tushe, Shkëlzen Selimi.
Nga gjyqtarët e Gjirokastrës që garonin për të qenë anëtarë të KED ishin këto emra:
Gjyqtaret e Apelit Gjirokastër/ Dritan Banushi (Kryetar), Enton Dhimitri, Irena Brahimi, Izet Salaj, Miranda Andoni dhe Tomor Skreli.
Gjyqtarët e Gjykatës Administrative Gjirokastër/ Ramiz Lala(Kryetar) dhe Elidon Papaziti
