Detaje të reja janë publikuar nga historia e abuzimit me 17-vjeçaren në qytetin e Sarandës, e cila ka akuzuar se ndaj saj kanë abuzuar 3 persona të ndryshëm, mes tyre edhe 72-vjeçari Bajram Tusha.
“Abc News” ka siguruar një pjesë të dosjes së Prokurorisë, ku është siguruar edhe një përgjim ambiental mes të moshuarit dhe një personi tjetër të identifikuar si “M”. Ishin pikërisht këto përgjime, që çuan më pas edhe në arrestimin e Bajram Tushës.
Në dosje thuhet konkretisht: Lidhur me këtë ngjarje është bërë edhe një përgjim ambiental midis dy të dyshuarve Bajram Tusha, dhe M.P. Përgjimi është kryer në intervalin kohor 16:50 deri në orën 16:55, të datës 21.04.2020.
PJESË NGA PËRGJIMI:
M: Hë mo
B: Ajde pak. Të morën në pyetje?
M: Eee.
B: Ç’o themi
M: S’di gjë unë se njof fare, i thashë mo.
B: Eee, unë s’e njo fare i thashë
Disa ditë më parë 72- vjeçari, Barjam Tusha, u ndalua nga policia me akuzën për “Marrëdhënie seksuale ose homoseksuale me dhunë me të mitur”. Ndërsa vajza pretendon se është abuzuar, nëna e vajzës kërkoi ndihmë. Ajo u shpreh se është i dashuri i saj, që është i martuar me një grua në Itali, i cili po u mashtron vajzën dhe po e shtyn të gënjejë.
