Pavioni i ‘Shërbimit neurovaskular’ ka nderuar sot mjekut Drini Dobi, i cili humbi betejën pak muaj më parë nga Covid-19. Ministrja e Shëndetësisë Ogerta Manastirliu, gruaja e Dobit, Florida, fëmijët e mjekut të ndjerë dhe bluzat e bardha duartrokitën sot kur u zbulua pllaka me emrin e Dobit në këtë pavion. Vetë gruaja e mjekut të ndjerë, Florida Dobi, tha se edhe sot, pas disa muajsh që i shoqi ka ndërruar jetë, në shumë situata të vështira, mendon se çfarë do të bënte ai, në mënyrë që të vepronte. Ajo falenderoi edhe ministren Manastirliu për respektin dhe në fund të gjithë bluzat e bardha duartrokitën.
“Sa herë me të dy fëmijët ndodhemi përpara një situate qën a duhet të gjejmë një zgjidhje, mendojmë se çfarë duhet të bënte Drimni. Edhe sot atë mendoj. Drini buzëqeshte në mes të furtunës, shërbimi është i vështirë. Drini dinte ta ndërtonte çlodhjen e tij duke u veshur aktiviteteve entuziasmin, duke veshur harenë, gëzimin dhe në këtë mënyrë ndihej i përfshirë në çdo aktivitet. Ai vlerësonte ndjenjat, kështu iku nga kjo botë. Jam shumë e bindur që edhe po të vazhdonte të jetonte sot, do të ishte me të njëjtën mendje. Kjo është një vlerë e jashtëzakonshme për të dy fëmijët tanë, Ersën dhe Davidin, por për të gjithë fëmijët e tjerë, që nesër do të bëhen mjekët dhe shefat e shërbimeve tona. Doja të bëja një falenderim për ministren Ogerta Manastirliu, jo vetëm për vendosjen e emrit, port ë gjithë shërbimin. Ju falenderoj shumë. Drini është kujdesur dhe do të vazhdojë të kujdeset në mënyrën e tij, duke qenë i mbarë,”- tha Florida Dobi.
