Edi Pesha u përcoll sot në banesën e fundit në Gjirokastër. Ai ndërroi jetë një ditë më parë pasi nuk e fitoi dot betejën me Covid 19. Prej dy javësh ai ishte shtruar në spitalin Infektiv në Tiranë, ku ishte nën kujdesin e mjekëve, por pavarësisht përpjekjes së ekipit shëndetësor ai nuk ia doli dot. Në rrjetet sociale është publikuar së fundi një foto nga zyra e tij në Drejtorinë Rajonale të Shërbimeve të Transportit Rrugor Gjirokastër, institucion që Pesha e drejtonte prej rreth një viti. Mbi tryezën e tij të punës qëndron një buqetë me lule dhe fotografia me shiritin e zi. Për humbjen e Peshës pati mesazhe të shumta ngushëllimi nga autoritetet e pushtetit qëndror e lokal, si dhe nga bashkëpunëtorët e tij në disa institucione ku ai ka punuar.
©argjiroja.net
