Luftëtari është mundur me rezultatin e thellë 5-0 në ndeshjen e parë të tij në arenën ndërkombëtare, duke zhgënjyer në sfidën përballë Ventspils në Letoni. Gjirokastritët pothuajse nuk ishin fare prezentë në fushën e lojës, duke nervozuar jo pak edhe trajnerin slloven Koshtiç. Përse ky rezultat kur kundërshtari në letër ishte dukshëm më i dobët sesa Luftëtari, mbetet për t’u analizuar nga ekspertët e futbollit dhe ata që merren me analiza ndeshjesh. Ndërkohë ka një detaj që bënte përshtypje gjatë ditës së sotme teksa ndeshja kuotohoj në kompanitë e basteve. Për një rezultat 1/1 (5+) gola, koefiçenti ishte 19.5.
E thënë me fjalë të thjeshta për ata që nuk kuptojnë shumë nga gjuha e basteve, për një fitore të ekipit vendas Ventspils si në pjesën e parë, ashtu edhe në të dytën me 5 apo më shumë gola në total, koefiçenti ishte 19.55. Nëse dikush mund të ketë luajtur një skedinë të tillë me 50 mijë euro, shuma që do të fitonte ishte plot 977 mijë euro. Jo pak apo jo?! Nuk e dimë me saktësi çfarë ka ndodhur e as kemi për ta marrë vesh kurrë, por fakt është se futbolli në Shqipëri dhe kudo nëpër botë është edhe nën ndikimin e biznesit të basteve.
© ArgjiroLajm.net
