Ditën e sotme hynë në fuqi ndryshimet në Kodin Penal, të cilat u miratuan në Parlament në datën 16 prill.
Me ndryshimet e reja thyerja e karantinës tashmë do të dënohet me burg, ndërsa është rritur dënimi edhe për dhunën në familje.
7 vepra të reja penale kanë të bëjnë me thyerjen e karantinës në kohë pandemie dhe ëprhapjen e infeksionit, me ose pa qëllim.
Presioni psikologjik ndaj bashkëshortes, ish-bashkëshortes, përsosnit bashkëjetues apo ish-bashkëjetues, ndaj personit në lidhje apo ish-lidhje intime me autorin e veprës penale, me pasojë cenimin e integritetit fizik, psiko-social dhe ekonomik të tij, dënohet me burgim deri në tre vjet, nga dy që ishte para se të bëheshin ndryshimet.
Ndryshimet në Kodin Penal për veprat penale në kohë pandemie janë në fuqi deri në datën 23 qershor, që është edhe data që përfundon gjendja e fatkeqësisë natyrore.
Veprimet që ju çojnë në burg duke filluar nga sot:
1. Dhuna dhe presioni psikologjik ndaj peronave gjini e afërt (të paralindur, të paslindur, vëllezër, motra, ungjër, emta, nipër, mbesa, fëmijë të vëllezërve dhe të motrave), ose krushqi e afërt (vjehërr, vjehrrë, dhëndër, nuse, kunat/ë, thjeshtri, thjeshtra, njerku e njerka), dënohet me burgim deri në tre vjet.
2. Presioni psikologjik ndaj bashkëshortes, ish-bashkëshortes, përsosnit bashkëjetues apo ish-bashkëjetues, ndaj personit në lidhje apo ish-lidhje intime me autorin e veprës penale, me pasojë cenimin e integritetit fizik, psiko-social dhe ekonomik të tij, dënohet me burgim deri në tre vjet.
3. Dhuna dhe presioni psikologjik i përsëritur ndaj të gjithë personave të rrethit familjar, përfshirë edhe personat në lidhje apo ish-lidhje intime, dënohen nga një deri në pesë vjet burgim.
4. Thyerja e rregullave në kohë epidemie, kur shkelësi ka marrë më parë masë administrative, dënohet me gjobë ose me burgim deri në gjashtë muaj.
5. Thyerja e rregullave në kohë epidemie, duke ushtruar aktivitet tregtar, dënohet me gjobë ose me burgim deri në dy vjet.
6. Moszbatimi i urdhrit të dhënë nga organet kompetente për karantinim, dënohet me burgim nga dy deri në tre vjet, ndërsa më parë ishte gjobë 7 milion lekë të vjetra.
7. Shkelja e rregullave të karantinës nga personi mbartës i sëmundjes infektive, dënohet me burgim nga dy deri në tre vjet, që më parë ishte gjobë 7 milion lekë të vjetra.
8. Përhapja me dashje e sëmundjes infektive, dënohet me burgim nga dy deri në pesë vjet.
9. Përhapja e sëmundjes infektive nga pakujdesia, dënohet me gjobë ose me burgim deri në dy vjet.
10. Përhapja me dashje ose nga pakujdesia e sëmundjes infektive, duke shkaktuar pasoja të rënda për shëndetin ose rrezik për jetën e njerëzve, dënohet me burgim nga tre deri në tetë vjet.
