Hyn në det për t’u larë, pëson infarkt i moshuari në Borsh

Një i moshuar ka humbur jetën në plazhin e Borshit pak pas mesditës së sotme. Sipas informacioneve zyrtare, në plazhin e Borshit, shtetasi E. L., 85 vjeç, banues në fshatin Borsh, duke u larë në det dyshohet se ka pësuar infarkt kardiak. I moshuari është nxjerrë nga uji dhe është marrë me urgjencë por ka ndërruar jetë rrugës për në Spitalin e Sarandës. Grupi hetimor po kryen veprimet e mëtejshme në lidhje me sqarimin e rrethanave.