U braktis tre javë më parë nga prindërit, ndërsa sot N. Dervishi i vendosur në Qendrën Rezidenciale të Zhvillimit Durrës ka nisur shkollën si gjithë bashkëmoshatarët e tij. Lajmi bëhet i ditur nga Shërbimi Social Shtetëror. I mituri me autizëm dhe motra më e vogël R. Dervishi rreth 4 vjeç u morën në mbrojtje fillimisht nga Njesia e Mbrotjes së Fëmijëve në Bashkinë Gjirokastër duke garantuar jetën e tyre. Ai dhe motra e tij mbetën pa kujdestari pas divorcit të prindërve. Familja kishte zbritur në Gjirokastër nga fshati Buz i Tepelenës. ArgjiroLajm.net ka publikuar më parë historinë e tyre të plotë. Ndërkohë që djali është në Durrës, vajza jeton me gjyshërit nga ana e babait. Fatkeqësisht prindërit e tyre kanë hequr dorë nga kujdestaria për fëmijët.
© ArgjiroLajm.net
