I shpërtheu fishekzjarri në dorë, plagoset 8-vjeçari shqiptar në Greqi

Një djalë 8-vjeçar shqiptar është plagosur sot në Pylos të Greqisë, ndërsa festonte me familjen Pashkët. Referuar mediave greke, i mituri është lënduar në dorë me fishekzjarrë, por për fat të mirë ndodhet jashtë rrezikut për jetën, nën kujdesin e mjekëve. Vogëlushi e ka gjetur pranë një kishe fishekzjarrin e pashpërthyer, dhe kur e ka marrë në dorë, i ka plasur.