Fatmir Shehu është vlerësuar me titullin “Qytetar Nderi” i Memaliajt, pas vdekjes. Titulli i është dhënë me motivacionin “Për kontributin e dhënë në mbrojtje të kufijve të Shqipërisë, duke dhënë jetën në krye të detyrës për mbrojtjen e jetës së ushtarakëve të tjerë të Postës Kufitare të Peshkëpisë, Gjirokastër”.
Titulli iu dorëzua djalit të tij Ervis Shehu dhe vëllait Fiqiri Shehu nga kryebashkiaku i Memaliajt, Albert Malaj.
Fatmir Shehu u ekzekutua nga disa ekstremistë grekë që sulmuan postën kufitare në fshatin Peshkëpi, në 10 prill 1994.
I akuzuar si pjesëmarrës në atë masakër është edhe Fredi Beleri, ish-kryebashkiak i zgjedhur i Himarës dhe aktualisht eurodeputet grek i partisë Demokracia e Re. Drejtësia shqiptare nuk mundi dot asnjëherë të hetonte dhe zbardhte këtë ngjarje të rëndë. ©Argjiroja.net
