Në një prononcim për “Supersport”, trajneri i Luftëtarit, Hasan Lika, është shprehur i lumtur me fitoren që ekipi tij arriti ndaj Kamzës,. Luftëtari kishjte mundësi ta mbyllte ndeshjen më herët në fakt.
Trajneri Lika ka kritikuar Bregun për rastet e humbuar para portës, duke i kërkuar të pasojë më shumë, ndërkohë që ka mohuar zërat për një kalim te Partizani.
“Nuk kemi dalë në lojën tonë, pasi kishim një kundërshtar të fortë si Kamza. Kemi humbur shumë raste, por na ndihmoi fati te goli. Kamza ka një ekip me shumë eksperiencë dhe kjo na pengoi të mos dilnim në lojën tonë. Bregu? Dëshira individuale e fubollistëve na humbi mundësinë për të bërë më shumë. Dëshira e madhe për të shënuar ndoshta na pengon dhe këtë po e tregon Bregu. Duhet të punojë më shumë në këtë drejtim. Ai ka humbur besimin para portës dhe sot e ka ndjerë më shumë. I kam thënë të pasojë më shumë, të jetë më altruist.
Nuk mendoj se ka lidhje forma e Bregut dhe Abazajt me faktin që do kalojnë te Skënderbeu. Ata po japin maksimumin, pasi janë pjesë e Luftëtarit, kështu që nuk besoj ta neglizhojnë lojën. Nuk kemi probleme me shpërblimet, pasi këto i kemi pasur gjithmonë. Shpërblehemi pas çdo fitoreje dhe jo vetëm nëse shkojmë në Europë.Duke filluar që nga presidenti, ekipi, stafi dhe tifozët, e kanë çuar skuadrën në këto pozita dhe natyrshëm që arrihen rezultatet. I jemi larguar zonës së ftohtë, që ishte objektivi i parë, tani shohim edhe për më lart.
Partizani? Jam trajner i Luftëtarit dhe për momentin po mendoj vetëm për ekipin tim. Ka gjithmonë diçka të kuqe edhe te Luftëtari, pasi kemi lidhje me “luftën”. Mos harroni që edhe gjaku është i kuq“, – u shpreh trajneri Hasan Lika.
